43-vjeçarja gjatë një konflikti në familje ka plagosur me thikë babin e saj 74 vjeç.
VLORË- Një ngjarje e rëndë është shënuar në Vlorë, ku një grua ka qëlluar me thikë babain e saj. Ngjarja raportohet të ketë ndodhur pas një sherri mes babë e bijë. 43-vjeçarja gjatë një konflikti në familje ka plagosur me thikë babain e saj 74 vjeç. I moshuari ndodhet jashtë rrezikut për jetën, ndërsa vajza e tij është vendosur në pranga.
Njoftimi i policisë:
Specialistët për Hetimin e Krimeve në Komisariatin e Policisë Vlorë arrestuan në flagrancë shtetasen Z. N., 43 vjeçe, banuese në Vlorë, pasi dyshohet se në banesën ku jeton së bashku me prindërit e saj, gjatë një konflikti në familje, ka dëmtuar me mjet prerës (thikë), babain e saj, shtetasin K. Gj., 74 vjeç, i cili ndodhet jashtë rrezikut për jetën.
