Një imazh i kapur nga roveri Curiosity i NASA-s po shpërndahet me shpejtësi në internet, pasi tregon një formacion shkëmbor në Mars që ngjan me një kockë ose skelet peshku. Fotoja, shkrepur në kraterin Gale me ndihmën e kamerave Mastcam dhe ChemCam, ka shkaktuar habi jo vetëm tek përdoruesit e rrjeteve sociale, por edhe tek vetë shkencëtarët.
Forma e pazakontë dhe maja e theksuar e strukturës kanë bërë që shumë ta quajnë “imazhin më të çuditshëm nga Marsi” deri më sot. Disa astrobiologë kanë sugjeruar se kjo mund të jetë një shenjë e mundshme e jetës së lashtë në Mars, ndërsa ekspertët e NASA-s mbeten më të kujdesshëm, duke e konsideruar më shumë si një formacion natyral.
Sipas tyre, kjo strukturë është shumë ndoshta një mbetje e rrjeteve minerale që janë formuar para miliona vitesh dhe kanë mbijetuar ndikimet e erozionit të fortë nga era dhe rëra marsiane. Megjithatë, zbulimi rikthen në vëmendje një fakt të rëndësishëm: krateri Gale ka pasur dikur ujë, ka përmbajtur substanca organike dhe ka krijuar kushte të favorshme për jetën.
Për të apasionuarit pas hulumtimeve të hapësirës dhe jetës jashtëtokësore, kjo fotografi është një tjetër kujtesë se Marsi ende fsheh shumë mistere – dhe ndoshta, një ditë, edhe përgjigjen për pyetjen më madhore: A jemi vetëm në Univers?
